2024臺灣文學獎【客語文學創作獎新詩首獎〡評審短評】張芳慈
今年有17件作品參加，在評審們確認複審方式了後，逐儕兩票選出支持个 作品。第一輪選出6件作品，評審就個人投票个作品說明，最尾高分个3首，續 下來進行決審。
這3首分別係〈灰鶴倒影〉、〈換殼〉，還有〈阿公个屋下人〉。
評審過再一擺逐篇討論。〈阿公个屋下人〉討論盡多，這篇寫屋下人過身 个風俗，用字有兜問題以外，尾段用講笑點出客家人風俗肚對男女个無公平个 對待。〈換殼〉用大螺殼去講人生，一擺又一擺出出入入，有該生死疲勞个無 奈何，盡尾轉話靈魂乜想換殼返生人間輪迴。〈灰鶴倒影〉這首一開始斯有精 彩个視野，一層層意象去撐出詩性空間，藉灰鶴寫出漂泊流浪，一再提水仙也 納西瑟斯神話人物，無論係孤芳自賞也顧影自憐，在虛虛實實个節奏中，文字 在所謂曖昧肚又表現精準个張力，對下一回高飛个想望。當然尾句有一屑屑畫 蛇添足了。
進行到決審階段，逐儕過用分數選出盡高分个作品，斯係今年个唯一首 獎。〈灰鶴倒影〉在主辦單位統計了後，確定係眾望所歸，非常恭喜。
