2024臺灣文學獎【台語文學創作獎小說首獎〡評審短評】呂東熹
〈跋〉，這篇小說透過回鄉奔喪，以及親情朋友相處的過程，回憶佮阿媽 在世時的感情，小說結構鋪排、層次完整，閣溫暖。
小說主角阿海，雖然讀冊、工課攏無符合社會標準的看法，毋過阿媽對 伊猶原認為這個大孫是「大格雞慢啼」，作者佇小說內面，真巧妙透過孤一字 「跋」，牽起規篇小說三個重點，層次分明，予規篇小說溫馨，閣感動人。
第一是跋筊，主角阿海自細漢就綴佇阿媽身軀邊，學會曉各種跋筊方式， 以及佮阿媽的互動、感情；第二是跋倒，in老爸投資失敗，阿媽教伊「會跋才 會大，穡頭較骨力一下就有矣」，做人愛有毋驚失敗的精神；第三跋桮，佇一 般喪事儀式愛做的，小說主角阿海無照師公吩咐，問阿媽是毋是無攢雞腿，顛 倒是跋桮的時，伊問阿媽「我若轉來作穡，敢有適合無？」象桮，予家族順利 完成儀式，阿海馬佇外口發展佮轉來做穡，得著允准佮救贖。
滄海桑田，阿海註定愛轉來種田，一枝草，一點露，「田園若眠床，無論 身份，全部收留」，佇素常看著的小說體裁，作者用「跋」，發展出無仝款的 民俗敘事，予人耳目清新。
