陳正雄【創作類│台語短篇小說金典獎】〈命〉
陳正雄
1962年出世於台南縣柳營鄉，現住在台南市安平區
經歷：台南一中專任教師
菅芒花台語文學會總幹事
台江台語文學季刊總編輯
現任：台南一中兼任教師
台文筆會常務理事
台江台語文學季刊編輯總監
得獎：鹽分地帶文學獎、南瀛文學新人獎、南瀛文學創作獎、府城文學獎、海翁台語文學獎、教育部文藝創作獎、教育部母語文學獎、李江卻台文獎、台南市推展本土語言傑出貢獻獎、教育部推展本土語言傑出貢獻獎、國藝會文學創作補助、台南文學獎、打狗鳳邑文學獎。
著作：台語詩集「故鄉的歌」，台南縣文化局。
台語詩集「風中的菅芒」，台南市圖書館。
台語詩集「失眠集」，南一書局。
台語詩集「戀愛府城」，府城舊冊店。
台語詩集「白髮記」台南市文化局。
作品簡介
〈命〉
阿成kap阿明是國民小學時陣ê同窗兼好友
阿明是一个棄嬰，自細漢就予仝款是孤兒出身ê金斗仔收養，爸囝二人本來平凡、簡單咧過生活
阿明ê個性內向、pì-sù、古意、善良，除了阿成以外，蟋蟀仔是伊上愛ê囡仔伴。
一擺佇學校，因為老師過份ê管教事件，致使阿明身軀kap心理，攏受著真大ê傷害。無偌久，阿明因為破病，休學，後來離開故鄉，無知搬對佗去，kap阿成嘛失去聯絡
二冬後，阿成有一擺kap阿嬤做伙去阿姑怹兜探親，倒轉來ê半路，無張持佇荒郊野外，遇著誠久無看ê阿明，阿明招阿成去伊厝裡tshit-thô。了後，阿成揣無原來ê路kap阿嬤怹眾人，hiông-hiông昏倒佇路邊。後來，予人發現伊規个失神無魂，倒佇應公廟裡。
厝裡ê人，用盡辦法才kā阿成救精神，啥知伊昏迷這段時間，竟然發生一寡奇怪ê代誌……
得獎感言
這幾冬來，幾个序大至親年老過身去，有的仝輩好友提早來離開，予咱不時會去想著命運ê安排kap人生ê意義。
有時陣，向前看，想著病疼kap死亡，毌知宓佇頭前面啥所在咧相等，感覺實在是無啥意思﹔斡頭想，顛倒是較趣味，早前有熟似，毌過誠久無看著ê人﹔抑是聽過，已經強欲袂記得ê事，攏一个一个來出現，攏一項一項koh想起，若親像咧招我倒轉去，kā過去彼个年代，當時一寡往事，做一个見證kap記錄。
這篇小說內底寫ê，不過是一个普通ê草地所在，一寡平凡ê庄跤人物，怹ê生活遭遇、陳年往事。無啥物神聖ê使命，無欲負重大ê責任，嘛毌是咧強調命運ê必然，只是咧感嘆人生ê無常、面對死亡ê無奈爾。
真歡喜得著這份ê榮譽，真感謝各位評審ê肯定，嘛真向望這个活動會當繼續舉辦落去。我相信以台語文ê內涵kap特色，予伊機會定著有法度培養koh較濟優秀ê人才﹔予伊時間，絕對有才調寫出koh較濟傑出êe的作品。
