2025台語文學創作獎－小說首獎〡陳龍廷
【作者簡介】
現任：臺灣師範大學臺灣語文學系教授。
經歷：研究臺灣布袋戲超過30年，擔任過傳藝金曲獎、國家文化藝術基金會、國立傳統藝術中心、文化部傳藝審議委員。2018年策劃兼編寫《布袋戲戀歌：落花斷情雨》劇本，台語小說〈疏開〉獲教育部文學獎、2021年台語散文〈Sîn話鬚仔〉獲臺灣文學獎、2022年台語劇本《鬼蝶仔》獲臺南文學獎。
學術著作：《書寫臺灣人‧臺灣人書寫：臺灣文學的跨界對話》、《臺灣布袋戲創作論》、《聽布袋戲尪仔唱歌：1960-70年代臺灣布袋戲的角色主題歌》、《庶民生活與歌謠：臺灣北海岸的褒歌考察》、《發現布袋戲：文化生態‧表演文本‧方法論》、《聽布袋戲：一個臺灣口頭文學研究》、《臺灣布袋戲發展史》。
【得獎感言】
He無聊ê青春，咱是按怎kiâⁿ過來--ê？早嘛kā放袂記--ah。
有一遍去到彼个有淡薄仔悲傷ê城市，he賣火雞肉飯ê店竟然號做「民主」。
「民主bē-tàng準飯chia̍h啦！」
有人腳khiau leh，足自然按呢teh chhiàng聲。這烏白罵ê權利，kám真正是家己ùi天頂跋落來--ê？若毋信，去天安門罵小熊維尼罵看覓。
除了攑手表決、喝口號，咱kám會曉討論？Kám會曉思考？
自按呢，我想beh寫「民主」hông準飯chia̍h ê囡仔古。Koh有解嚴前後，佇校園內真正ê民主第一課，像囡仔teh學kiâⁿ按呢。就算講現此時，咱像teh suh空氣遐呢慣習。這好不容易ê火種，嘛隨時有可能hông拍hoa去。
一直kê佇腹肚內ê小說，實在真oh寫。有我數念ê形影，嘛有佇坐車，抑是等領選票ê時，心肝頭不時浮出ê恐怖意象。代誌過足久足久，早to予落葉、塗沙深深埋tiâu leh。Kā掘出來，留予聰明ê你家己去khe考。
送予勇敢ê臺灣人，陪伴你。予你佇thèng候天光ê暗暝，袂孤單。
