2024客語文學創作獎－小說首獎〡吳餘鎬
【作者簡介】
作者簡介 吳餘鎬，桃園人，中正大學中國文學研究所碩士。曾任國小、國中、高 中、大學教師，現已退休。
著作有《阿肇牯》、《天上人間——霄裡》、《掌牛刻仔》、《客家李文古故事研究》、《大陸客家原鄉李文古話本》暨有聲書、《臺灣客家李文古話本》暨有聲書、《臺灣客家李文古故事研究》、《唐詩三百首演譯》、《唐詩三百首導讀》、《古典詩入門》、《中華對聯大典》系列（四本）、《童詩• 童詩》等書。
曾獲臺灣文學獎、教育部閩客語文學獎、客委會桐花文學獎、新北市文學獎、臺中市文學獎、新竹縣吳濁流文學獎。
【得獎感言】
時勢行到這下，臺灣社會目前有一隻盡大个問題，該就係少子高齡化。──根據內政部个統計：臺灣每五個人裡背，就有一個老人家。因為社會个變 遷，醫藥个發達，老人家壽命个延長，後生人个家庭，嗄無法度負擔起服侍老 人家个責任。盡多退休个老人，辛苦工作吔一生人，退下來，想愛歇睏一下。無奈何，屋下還有比自家還較高齡个世大人愛服侍。這篇小說，講个就係老人照顧老老人个艱辛……。
屋下阿姆今年一百空三歲吔，𠊎無請外勞𢯭手。一日三餐，照顧佢屎尿。除忒自家身體个耐毋何，逐日看等老人家一日弱過一日，心肝肚个毋盼得，長時間下來，自家都有一滴仔敨毋過氣來个感覺。怪毋得識看過新聞報導，講倈仔打死長期病痛世大人个消息；最近幾年，政府照顧老人，乜有長照喘息服務个政策。……
今年七十零歲吔，人講：「老咧正來學歕笛，歕得會來鬚就白。」投稿報名，想著實在就還見笑。做得得獎，還較愛承蒙評審委員無棄嫌。承蒙大 家，阿彌陀佛，恁仔細。
