【得獎者簡介】
1990-2014 寄居淡水,淡江大學時代開始台文創作。2006發行首張個人台語創作專輯。2011臺灣文學獎台語散文金典獎得主,2016 繪本《動物園》台語八聲調之歌,2017電影《大佛 普拉斯》片尾曲填詞人。曾任出版社文字編輯, 現為國小課文編寫、公視台語台兒童節目台語顧問。
【得獎感言】
一世人當中,會當有二十四冬浸佇淡水,實在真幸福。有河、有山、有大自然、有人文,毋免遠路追求,隨時通行跤到。感謝淡水,予我有遮濟物件通寫,也祝福伊有人好好仔疼惜,毋通共舞甲變一个阿䆀仔。
這世人會當用家己的母語寫作,是幸運的代誌。感謝每一位為台語書面化拍拚過的先輩,夆笑無字欲予有字,有字欲予成文,自我表達是天賦人權。
這是一个發展的過程,無夠周至佮媠氣,無要,先寫先贏。最後,感謝九歌出版社佮介紹人鄭順聰,深深說謝。
【華文對譯】
一輩子當中,能夠有二十四年浸在淡水,實在很幸福。有河、有山、有大自然、有人文,毋須遠路追求,隨時行腳可至。感謝淡水,讓我有這麼多東西能寫,也祝福它有人好好疼惜,不要把它搞得變一個阿醜仔。
這輩子能夠用自己的母語寫作,是幸運的事情。感謝每一位為台語書面化打拼過的先輩,被笑無字要讓它有字,有字要讓它成文,自我表達是天賦人權,這是一個發展的過程,不夠周至不夠美,不要緊,先寫先贏。
最後,感謝九歌出版社和介紹人鄭順聰,深深道謝。