杜信龍【2020臺語文學創作獎〡新詩類得主】
【作者簡介】
路，咱繼續行。準講落尾，chhun咱孤一人嘛著 繼續，看咱會當行偌遠。 免要意行慢行緊，一步一步向前，揣著家己ê 路，koh再認捌家己才是。 母語寫作就是一條苦路。
【得獎感言】
Lán sī chit kúi nî chiah ū kè-e̍k chham-ka Bûn-ha̍k-chióng, kòekhì sit-pāi ê keng-giām, lán khak-si̍t ū o̍h tio̍h chi̍t-kóa mi̍h-kiāⁿ. Lán chit kúi tang nā pí-sài tō lóng chin sè-jī, sè-jī siáⁿ？Hàn-jīsoa-bûn lah. Ū phêng-sím ē kóng kah m̄-chai ka-tī pháiⁿ-sè, koh hō͘ láng kiaⁿ kah làu ē-hoâi. Jīn-ûi LÔ-MÁ-JĪ m̄-sī jī, lán chiū-sī án-ne chia̍hkhui. Choân sè-kài kan-taⁿ hàn-jī chiah sī jī. Che tō sī lán TG ūn-tōng siōng tōa ê chiù-chhàm. Ū-iáⁿ lán tài sin-miā！ Hiong-káng ê chōng-hóng chin bái, khòaⁿ bāng-lō͘ ê iáⁿ-phìⁿ khòaⁿ kah chin thòng-khó͘. Ká-sú chit siú si ē-tàng thè in kóng kóa ōe, án-ne che tō sī góa siōng-tōa ê pò-siông.
