前一駁仔,亻厓行入生份个山肚,在一個叉路口緊想,到底愛向左抑係愛向右,亻厓拿出地圖比對,毋過,看著地圖頂高怕毋只十八隻路口,亻厓呆到時空个十字路想起吾公[1]──在濛沙煙 [2]行過个山路上,毋識聽佢昂山撞走 [3]過。
亻厓在大山肚出世,自細跈阿公大,吾公就像一個老獵人,佢一生人帶等獵狗行過个腳跡,做得畫一本賁賁个地圖,圖紙上毋單淨畫等人生一隻一隻个叉路口,還有一跡一跡个故事摎 [4]智慧。今這下,這一頁一頁个地圖,還黏等亻厓對吾公、對吾故鄉山捽毋戾支 [5]个感情,還有順等濛沙煙肚个山路,行出近近遠遠摎山个緣份。行到這叉路口,亻厓又想起吾胞衣跡 [6]該條上天摘星仔个山路,心焦 [7]又跋上故鄉个山。... 詳閱完整得獎作品
[1] 既經登仙个吾公:已經仙逝的我的祖父
[2] 濛沙煙:霧。
[3] 昂山撞走:在山上迷路
[4] 摎:liauˊ和
[5] 捽毋㪐:cud mˇludˋ擦不掉
[6] 胞衣跡:出生地。
[7] 心焦:思念的愁緒