哀爸叫母 Ai-pē-kiò-bó
【哀爸】Ai Pē
第一擺熟似一个自細漢仔就無老母的朋友,彼年,阮攏得欲三十,伊佇高中教冊,已經有才調踮阮彼个鎮裡社區型的大樓買一層兩房的厝,按家己的意思佈置,生活過日,完全是一位獨立自主的新女性。
佮伊相捌,定會感覺若像去碰著另外一个家己。毋過,伊發展了比我加好濟兮矣,無像我,頇顢拍算的上班族,猶閣咧沐沐泅。為啥物會一直感覺伊佮我足相像?──我查某囡仔時代上好的朋友,老爸是佇伊讀國中的時破病過身的;仝班定鬥陣的一个同學,老爸是車禍往生;遮濟年來,我頭一擺,拄著一个佮我仝款,嘛是讀國校仔一年就失去親人的查某囡仔,而且,攏是因為交通事故──無仝的是,伊無--去的是老母,我無--去的是老爸。... 詳閱完整得獎作品