〈斑甲市〉
1
百花盛開的春天,斑甲公園的樹木花草發甲旺嗄嗄。天頂白色的雲尪,若
人若動物,規群目睭褫金金,相向這个特殊的公園。
佇南方的這个美麗島,公園不止仔濟。早期,圓環公園通常踮中心點徛一
身威風澟澟的政治強人銅像,基座面頂閣會刻民族救星、時代偉人,醒目的大
字。
毋過這个公園中心徛的,是一身飄撇英威的斑甲,兩丈外懸,是有造色的
銅像。斑甲的頷頸袚白色珠鍊,尾翼翹翹,烏白分明。基座面頂,「斑甲救
世」楣楣角角,強勁有力的大字,予赤焱焱的日頭炤甲閃閃爍爍。
斑甲是一種普通的鳥仔爾爾,欲按怎救世?基座的後面有石碑記載斑甲的
神蹟,對地方的護佑。有外地人經過,看甲頭攲攲,閣會神神聽著翅股phiphia̍k
叫,綴伊進入若夢若真的奇幻世界。
*詳閱完整得獎作品請下載附件