【創作類│客語新詩創作獎】王倩慧〈送分ngaiˇ故鄉个泥肉〉
王倩慧
現就讀國立臺北教育大學臺灣文化研究所文學組碩二。曾獲1 0 4
教育部閩客文學獎客語散文、閩語散文皆第三名、1 0 6 年教育部閩客
文學獎客語現代詩第一名、散文第三名； 閩語小說第一名、散文第二
名、現代詩第三名。出版《活出愛： 黃娟傳》（ 財團法人世聯倉運文
教基金會， 2 0 1 9 ） 。目前正撰寫臺美人之口述歷史， 亦為之興趣。
得獎感言：
每得過一次獎項， 表示又進步一些， 對於一個文學人來說， 我可
以增加實力， 用文學來回饋社會， 這是一件令人振奮的事。
〈送分ngai⌵故鄉个泥肉〉
挑試請你送分ngaiˇ故鄉的泥肉
因爭ngaiˇ愛在泥肉種一頭多肉个石蓮花
葉仔落土就會飆芽 同ngaiˇ个鄉情共樣
逐日淋水就鼻著故鄉个味緒
ngaiˇ挑試請你送分ngaiˇ故鄉个泥肉
因爭你既經係台美人
嗄飄洋過海轉來 腳踏故鄉个土地
讀en′俚个書 培養故鄉个細人仔
ngaiˇ自出世到這下 共樣係台灣人
嗄在異鄉个土地項流浪 遊遊野野
身分證明項已改成「出生地」
單淨一隻空格定定
模糊个界限無故鄉个名仔
向外背聲明自家个身分係吾爸个出生地
該片土地既經消忒了
該位係麼个所在 無人記得
ngaiˇ問自家 做麼个還硬殼哦
送分你一本故鄉个傳記
寫等你回鄉以後个腳跡
用白白个紙 寫等一字一句
一生人个理想 講分子子孫孫
麼儕講老古言 毋盼得添忘忒
麼儕正係阿公婆 做毋得添忘忒
麼儕人講該兜花花假假个話
ngaiˇ對2019年行到1920年
社會个色彩緊行緊灰
生命个彩度緊寫緊光
ngaiˇ聽著人性个原音在書冊裡肚重現
「台灣」摎「中國」
在ngaiˇ个想像中緊來緊分明
因爭ngaiˇ看著已多當激烈个爭戰
在這片細細仔靚靚个土地項
起起落落
en´俚毋識共下行過歷史長流个世代
做得共下行落花喇必駁个時局
在故鄉泥肉項个腳跡
同石蓮花飆芽共樣
