作者/張芳慈
這擺參加文學獎个件數18件無算多,在五儕評審當中,選出个作品在主 題項,講起來表現多元,客語書寫个能力熟絡,較少華語直接翻譯个問題。毋 過,對於詩意个文學性同提出个情感也係觀點,共款還係得獎重點。
經過大家討論打票通過,選出〈老相館〉這篇作為這擺得獎个詩作。作品 裡肚,講出老相館過去,對時代也好、人生過程也好,或者生活中个紀錄,有 感受到時空背景个徙動。當然,在文字肚有意象同意義个比論轉化,這也係作 為一首詩个難得所在。惟美中不足係第一段同尾段,有兜畫蛇添足,提供分作 者思考看看。
寫作用一首詩開始,用歸生人去打拚,這係正經詩意个所在