作者/邱一帆
2023年臺灣文學獎客語文學創作獎,徵選个文類包括客語短篇小 說、客語散文同客語新詩三類。根據比賽个規定,各文類个作品愛取 一名,得著臺灣文學獎最高榮譽个肯定摎鼓勵。照這擺比賽个規定,無取佳作同入圍个作品,毋過,係講該類个作品無達到評審个水準, 該名額做得留分其他文類,乜做得從缺處理。
這擺客語文學創作獎總共有29件作品參賽,包括短篇小說4篇、散文7篇、新詩18篇,新詩最多、散文第二、小說盡少,這兜作品个比 例,摎目前臺灣各各客語文學創作獎,還過投稿《文學客家》雜誌个現象異符合,這種現象,多多少少反个創作者,多多來寫、來參賽, 豐富客語文學映出各文類客語書寫个困難,還有創作者在客語文字書 寫熟絡摎運用个程度。
比較往年,今年徵稿个數量比往年有較少兜仔,希望未來立志客語書寫个內涵。這擺个徵選在截稿日過後,主辦單位臺灣文學館經過資格審查初 選出客語文學作品,同時乜當謹慎个邀請複決審委員參與評審工作,除忒確認評審委員無報名參與年度徵獎以外,還強調在主辦單位公布 得獎名單以前,所有个評審內容愛對外保守秘密。
6月27號朝晨十點 半,主辦單位在臺灣文學館召開評審會議,正知這擺个評審委員係利 玉芳、張芳慈、羅思容、邱湘雲還有邱一帆。在複決審會議之前,主辦單位要求評審,推舉評審主席,在利玉芳委員推薦,其他委員也同意个情況,大家無異議,通過邱一帆委員擔任這擺臺灣文學獎客語文獎个評審主席,主持評審會議个進行。複決審會議開始,評審委員有共識照等短篇小說、散文、新詩个順序,經過投票、討論、表決來選出得獎个作品。
腳下就討論个過程同得獎作品,做簡要个說明同描寫:首先係短篇小說个評審,主辦單位先請評審委員就4篇作品,做第一輪个投票,逐儕兩票,得出票數个高低,再進行作品个討論。各各委員就作品个語言、題材、主題還有情節、人物特性等角度,熱烈个討論過後,選出2篇作品,再進行第二輪个投票,結果〈打拳頭〉這篇 小說得著多數委員个認同。小說寫出客家莊練拳个由來同傳承、打客 家獅个民俗文化特色,還有師兄弟之間个深深感情,無論係取材、主題還過情節、人物个安排,都比另外一篇作品表現還較高个文學性, 故所,得著客語文學創作獎短篇小說類个首獎。
散文徵選作品,總共有7篇,主辦單位請評審委員先做第一輪个投票,得出票數个高低,再進行作品个討論,最尾再做一擺投票,選出得獎作品。第一輪个投票結果,顯示出各各委員个共識當高,經過 評審委員个討論,認為〈永久个頭擺〉比較其他个作品寫來最好。這篇散文,同阿姆離開屋下過後,家庭个孤栖無完整、年節兩子爺个空虛,還有自家對阿姆个掛念、對姐公个關心這兜,透過層層疊疊个回想,比論同暗喻个修辭手法,分人看到當感心乜當感動。作者當曉得運用比論話講个描寫,來提昇自家對生活裡肚人事景物个見解同感 受,表現文章个張力摎思想个深度,係這文章盡當餳人个所在。第二輪投票,大家一致同意〈永久个頭擺〉得著客語文學創作獎散文類个獎項。
盡尾係新詩類个評審。徵選作品總下有18篇,係投稿文類篇數盡 多个。主辦單位請評審委員先做第一輪个投票,逐儕三票,得出票數个高低,再進行作品个討論。第一輪投票過後,各各委員就作品个主題、語言、詩歌个意象、形式結構等角度提出看法,同時講出作品个優缺點,還有自家較中意个作品。所有个委員經過一輪个討論過後, 無其他意見,就再進行第二輪个投票,結果〈老相館〉這首新詩,得著多數委員个認同,無論係客語个精煉、詩歌意象个經營、結構个安排同主題展現,都有異好个表現。這首詩,意象鮮明呈現老相館、老 相片个留存下來个情感同價值;同時也反映新時代新產品个發明,使 致老相館有關門个危機、老師傅有失業个可能,當懷念、毋盼得个心 情,在字裡行間顯影。包尾,大家通過〈老相館〉得著客語文學創作 獎新詩類个頭獎。
最後,所有評審个委員確認,短篇小說〈打拳頭〉、散文〈永久 个頭擺〉還有新詩〈老相館〉3篇作品,得著今年度臺灣文學獎客語文 學創作獎,非常恭喜以上个得獎者。 這擺个評審過程,委員之間對客語文學作品个語言性同文學性, 有無共樣个觀念同看法,個人認為,客語文學就係用客語文字來做文 學个工具,來完成文學个創作,不管係新詩、散文抑係小說,無論係 文學个題材內容或者主題形式,就係愛用客語文字來完成、來表現,正係客語文學。透過客語文學个書寫,一方面精煉、創新客語在文學 方面个使用,一方面創作出幼秀、精彩个客語文學,豐富族群个文 學、豐富臺灣文學个內涵。這也係臺灣文學館為著活生母語文學生態 同創作環境,獎勵母語復振同書寫,舉辦臺灣文學創作獎个目的。