得獎作品
得獎作品
【創作類│客語短篇小說金典獎】頭家娘个選擇

頭家娘个選擇(客語/四縣腔)

江生在南埔廟坪開一間麵店,就在恩公廟个正對面。佢十年前愛徙到這个時節,堵好看著這間屋貼等「售」大嫲隻个字,無想幾多就摎中人過定。愛打契約个時節,正有人摎佢講:「莫較贏!這間屋犯著路沖,對對分廟箭等,對主人毋好…」一儕人吂講煞,黏時又有人豬接杓1,「你知這間屋前一手發生麼个事情無?」原來,前隻屋主阿忠,厥餔娘有神精病,為著照顧佢,老公根本毋敢走遠。無想著,前幾年倈仔也破病2咧。共樣係神精病,死無命3還較傷重4,成時會擎刀仔在廟坪比來比去,莊肚人會分佢嚇死去。阿忠就像揇等兩隻炮彈,精神壓力昶5大,就吊頸自殺咧,餔娘摎倈仔背尾分政府送到精神病院,無幾久也消忒6咧!

係講發生這種挨著神頭7个事情,普通人定著毋敢買這種屋仔,毋過,江生試著無相干,當阿沙力,摎中人還過阿忠个妹仔走一輪銀行,屋仔就過戶咧。江生講个也有道哩,佢講佢毋係「毋識字怨爺娘,毋會賺錢怨屋場8」該種人,最重要个一點,佢試著這間屋兼廟坪,做生理當適合。總講,佢戴落去無幾久,就摎麵店開起來咧,生理乜罔罔仔9已做得。

...文件檔案:詳閱完整得獎作品


1豬接杓:zuˊjiabˋsog。喻搶嘴說話。

2破病:po piang 。生病。

3死無命:xiˋmoˇmiang。糟糕透了。

4傷重:songˊdong。很嚴重。

5昶:tiong。太。

6消忒:xiauˊtedˋ。死掉。

7挨著神頭:aiˊdoˋsiinˇteuˇ。喻運氣不好、遇事不順利,倒楣的樣子。

8毋識字怨爺娘,毋會賺錢怨屋場:mˇsiidˋsii ien iaˇngiongˇ,mˇvoi con qienˇien vugˋcongˇ。不識字就抱怨父母,不會賺錢就抱怨風水不好。比喻怨天尤人。

9罔罔仔:mongˋmongˋeˇ。還不錯。

 

主辦單位 國立台灣文學館 網站規劃設計 曜發科技 國立台灣文學館版權所有 ©2011 All Rights Reserved.