得獎者介紹
得獎者介紹
張捷明【創作類 │客語散文金典獎】濛沙煙行過个山路
張捷明1956年生於苗栗縣
鄉音未改,專心用客文字書寫現代的客語兒童文學及客語少年文學

【經歷】
2002 通過 教育部客家母語支援人員認證
2008 通過 客語 認證
2009 通過 客語 薪傳師
2010 通過 客語 薪傳師
2010~ 客家筆會常務理事
2010~ 桃園縣客家語教師協會理事長

【著作
2002 [客家少年] 客語小品
2004 [客家細老鼠同番豆] 客語童話 有聲書(四縣)
2005 [桃園觀音民間文學] 民間文學(四縣) 採集二冊
2005 [桃園民間文學] 民間文學(四縣) 編譯四冊
2006 [桃園民間文學] 民間文學(四縣) 編譯四冊
2009 [大哥畢个業旅行] 客語童話 有聲書(四縣)
2009 [下課十分鐘] 客語童話 有聲書(四縣)
2010 [一隻蟻公同細鴨子] 客語繪本 有聲書( 四海大平安南六腔 )
2010 [大目伯姆送信仔] 客語繪本 有聲書(四海大平安南六腔)
2011 [阿婆買鏡] 客語少年散文 有聲書(四縣)
2011 [風中个月光] 客語少年散文 有聲書(四縣)
2012 [阿姆!阿姆!] 客語童詩繪本 有聲書(四縣)

【得獎
2005 第十八屆「北美臺灣客家文化獎」得主
2008 新竹市客家語兒童文學徵稿比賽小說「風中个月光」首獎
2009 教育部閩客語母語創作 客語散文「山會帶恩轉屋」首獎
2009 台灣文學館 客語新詩 入圍
2010 行政院桐花文學獎 客語散文「十面桐花」佳作
2011 行政院桐花文學獎 客語新詩 「點胭脂」佳作
2011 韓愈文化祭-客語詩詞 客語現代詩詞組 「先生上姓」首獎
2011 臺北市客家文化競賽 客語現代詩「阿爸賣菜」首獎
2011 教育部閩客語母語創作 客語散文「水過千層崖」首獎
2011 教育部閩客語母語創作 客語新詩「月光肚阿婆噢啊噢」首獎
2011 教育部閩客語母語創作 客語小說「桐花鄉」貳獎
2012 國立台灣文學館 客語散文「濛沙煙行過个山路」金典獎

【得獎感言

做得在這用自家个語言講自家个古,用自家个文字寫自家个土地,愛先承蒙臺灣文學館尊重這土地上所有个文化,這係文明國家盡基本个條件。毋過,更加愛承蒙个,係幾十年來整理客文字个當多當多前輩,係佢兜硬頸,硬硬將藕絲藕絲看等就會畜毋生个客文字拈起來編成字典辭典,保存一口氣脈分大家使用;還有,就係共下為母語文發展打拚熟毋熟識个盡多朋友摎指導圖形造字个當多先生,係大家鼓扛等來打,將一塘死窟水摝畀汶,共下帶起个客語風雲,正有這場創作盛會,這隻獎係大家个。萬望再來摝,愛摝到一河壩水槓槓激激,挷出長長久久个山歌。

吾胞衣跡在苗栗八角崠山脈个大峎頂,背靠加里山摎雪山山脈,頭前摎公館苗栗平陽落差七百空公尺,山勢開陽,左沙手在銅鑼三叉,右沙手係頭份竹南,通霄西湖後龍係案桌,圖形造字自細就跈吾公企山頂看苗栗半壁江山,吾公个手指,帶等吾目珠看八千平方公里个山摎海;看鷂婆隨平陽个上昇氣流飛上天頂;看開台祖公千辛萬苦一钁頭一钁頭改上大峎頂;還想像當年原住民企到這共隻山頭,看等遠遠个漢人步步進逼上山,該種出草个憤慨摎退入深山个無奈。

幾下百年前,當漢人從貓貍進入古地名安到隘寮下(苗栗公館)个平陽後,看轉東片析出日頭个大山頂,看著白雲行過青山,就摎這隻所在安一個靚靚个名「三臺疊翠」,這係貓貍八景之一:墨硯山、八角崠山脈、加里山脈層層疊疊步步高升,由近到遠由醹轉淡,這係讀書人个看法──雲係文人打扮山情个胭脂水粉,圖形造字就戴到這山水圖畫中。毋過,真實个世界肚,到底來來去去个雲底下有麼儕戴到該?風吹日炙靠麼該生活?看毋著个樹影下又有恁多麼該歷史?遠遠个山嵐雲景總係迷迷濛濛,圖形造字想問先生,毋過教科書愛教恁多个東北九省摎舊疆新疆,奈有閒教這微毛末節裨官野史。總係,雲遮得忒青山,遮毋忒吾公帶圖形造字行過个彎彎斡斡山路,摎濛沙煙肚个用血汗寫就个歷史,好得吾公係吾先生。

恁多年來,圖形造字行過近近遠遠个這皮山、該皮山,毋過,山山相連條條路就總係會斡轉故鄉山,這下圖形造字用吾公教圖形造字个客,寫吾公講過个打山豬古,圖形造字還愛用共樣个祖公言講分吾孫仔聽,正毋會在轉譯之間,分吾孫仔聽差吾公對人生个體會,吾公乜正聽得識吾孫仔敬阿公婆時節對祖公个報告。

吾公講:食水念著水源頭,故所啀先從這條上天摘星仔个山路講起,這係圖形造字擎客家筆个本意。


2012 11 15
 

主辦單位 國立台灣文學館 網站規劃設計 曜發科技 國立台灣文學館版權所有 ©2011 All Rights Reserved.